طريقة مدهشة لتقديم الافوكادو 🥑🥑 للأطفال

عاملين إيه يا ماميز ياحلوين😍😍😘 كلنا عارفين فوائد الأفوكادو اللي لا تعد ولا تحصي، بس للأسف ساعات كتير من الأطفال بيرفضو ياكلوه وبنتي واحدة منهم😥😥😥. لحد ما عملته بالطريقة اللي هقولهالكم دي 😋😋، بنتي حبيته جدا وكمان بقيت تحب تقف تعمله معايا(بنتي عندها سنتين) هي موش بتعمل اوي بترص بس شوية حاجات .

نيجي للمهم: المكونات وطريقة العمل .

المكونات

عدد نصف ثمرة افوكادو🥑

توست محمص لو توست اسمر(حبوب كاملة) يبقا أفضل🍞🍞🍞.

طماطم وفلفل أخضر وجزر🍎🥕🥒🌶

بيض مسلوق

جبنة كريمي

جبنة شيدر🧀

طريقة عمل الأفوكادو للأطفال

في بولة صغيرة نخلط نصف ثمرة الأفوكادو مع معلقة كبيرة جبنه كريمي او مثلثين جبنه كريمي من النوع اللي طفلك بيفضله،ونهرس كويس جدا لحد ما يبقي الأفوكادو والجبن خليط واحد ناعم.

نضع شريحة جبنة شيدر علي التوست المحمص ،وبعدين نضع فوقها خليط الأفوكادو والجبن.

نيجي بقا لمرحلة التزين وهي دي العامل الأساسي اللي هيفتح نفس طفلك الاكل.

نقطع البيض المسلوق دوائر ، ونضع دائرتين من البيض فوق خليط الأفوكادو والجبن  بحيث يعملو شكل عين ، ومن الطماطم نقطع شريحة صغيرة علي شكل هلال ، وتحطيها مكان الفم.

ونزين باقي الطبق الخضراوات مشكلة.🥕🍅🥒🍌🍇🍉🍒🍓🥝🥑🍆🥔🍏

بجد جربو الطريقة دي ، علي اد ماهي سهلة وسريعة أطفالك هيحبوها جدااا وهتدعيلي 😍😍😍😘😘

 

وإلى لقاء قريب بإذن الله في الوصفة القادمة

تنتظر تطبيقاتكم واستفسارتكم ويسعدني دائما التواصل معا😍😍🤗🤗 وتلبية جميع استفساراتكم

 لا تتردد بالتواصل معنا 😍😍😘😘🤗🤗😊😊من خلال التعليقات او صفحة التواصل الخاص